Hringnun Mak, Mawl leh Mawi
"Joy and woe are woven fine,
A clothing for the soul divine.”
— William Blake
Kan khawvel leh kan hringnun hi makna leh mawiina nena suih zawm niin, hlauhawm tak leh muanawm tak, mawlmang leh ril tak siin hringnun hi cheibawl a lo ni a, lungngaihna leh hlimnate hian la zâi khatah pawh ṭhen theih hauh lovin min zam chhuak vek a ni.
Rose par mawi berin hling a ken tel tlatna khawvelah kan chêng a, hlauhawmna leh mawina hi thil inkâwlkalh, khawvel awmtirh ata unau piang hmun, lan chhuah dan inang lo, inkawp tlat si an ni a; êngin a chhunna apiangah hlimthla thim a siam ṭhin angin, nung tura duan kan taksa hi thihna tem theia siam a ni si a; kan hlim awrawl chhuahte pawh lungngaih ṭah hla kan sakpui leh ṭhin.
Mahse, heng thil kan hringnuna inep leh indo tlat, inkawp leh inrem thei lova kan ngaihte hi hringnun tifamkimtu, awmze neia siamtu an ni tlat lawi si a; hlimna, lawmna leh mawina chauh pumbilh tumna hringnun chu tangka thir hmai lehlam nei lo ang a lo ni ang.
Philosopher Heraclitus chuan "buaina hi dikna a ni" (strife is justice) tia a lo sawi angin, kan khawvel hi buaina leh thil inkawkalhin a tifamkim a. Lui tui hi chawl lova a luang reng angin kan nun hi buaina, harsatna, hlimna, lawmna te'n hma lam panin min luan tir a ni.
Natna avangin dam hlutna kan hria a, rambuaiin ram ralmuang nih hlutzia min hriattir a, hlimna kawl êng chu harsatna zan thimin a zui fo va, harsatna tel lovin hringnunah chelna zir chhuah theih a ni hek lo. Ni êng duh siin a ken tel lumna a hnawl theih loh a, thihnain nunna a timawi a, inṭhenna avang tak te hian a ni hmangaihna pawh hi kan lak run ni.
Ngunthlûkin kan khawvel hi kan thlir chuan, buainaa khat kan khawvel hi a va mawi si em! Tlang khan ṭhuam, luipui dam diai, romei lo zâm paw chêk mai te; tlai ni tla tur lo êng sen phût ṭhin mawlh mai te hi namnul chi zia zâng a ni lo. Chutah, min hmangaihtute hmangaihna te, ṭhian ṭhate nen hun leh nun âm taka kan chenhona te, naupang nui hmel mai pawh hian hmuh theih loh mawina hi hringnunin a keng tel a ni tih a tifiah zual ṭhin.
Mahse, nun hi pangpar a ni a, chul turin a vul a, vul turin a chul ṭhin. Tlaizawng par mawi tak takte chuan sikpui pelin par an chhuang ngai lova, nui hmel min puttirtu hmangaihna pawh lungchhe vankaia min ṭahtirtu a ni leh fo. Hlim taka zai kan vawrna hi ṭah leh ha ṭhialna hmunah a chang a, kan tlang ram mawi 'chhawrpial rûn' hian furpuiah chuan chhiatna mangkhawng a keng tel a, hlim taka zaia kan awih ram hi, lusun ṭah hla min chhamtirtu a ni ṭhin.
Heng thil insaikhalh leh inkawkalh tak taka lo thleng ṭhin hian hringnun zawhna ril a hring chhuak a, awmze nei lo khawvel min hmuhtir ṭhin. Mahse, buaina karah mihring hian famkimna a zawng fan a, manganna ramah hian mawina kan hmuh hmaih lo va, natna awmze nei lo ber pawh a tuartu hnenah chuan a chhan leh a vàng kan zawnpui hram hram a, chhànna awm lo zawhna zawta zawngin, hlun lohna khawvelah hian chatuan kan suangtuah ṭhin a nih hi.
Chu chuan keimahni piah lamah hian kan zawn thutak famkim leh mawina famkim hi a awm ang tih a lantir a; mahse chu famkimna kan zawn ṭhin chu tun dam chhûng hi chuan heng makna leh takna, hlauhawm leh hlimawm, lawmna leh lungngaihna inkawp remna kaltlang zel chauhvin kan tem thei a, hlimna tlâng sang ber leh beidawnna thûk ber tem kawpna aṭang chauhin, takna famkim leh mawina famkim chu kan hmuin kan chang thei chauh a ni.
Hringnun hi a makin a mawi a, hlauhawmin a ṭihbaiawm a, a lunglènthlak a, a lungngaihthlak bawk. Heng thil inkawkalh mahse inkawp tlat si hian nun a siamin a tifamkim zawk a ni tih hretu chuan famkim lohna khawvelah hian nun famkim leh chatuan mawina puan hmawr chu a dek a ni.
Chuvang chuan, kei chuan an sawi leh an mangphan fo vanram hi ka thlirin ka suangtuah thiam ve ṭhin tlat lo. Engtin nge inṭhenna leh lunglènna tel lovin inngainatna leh hmangaihna hlutna chu kan hriat ang a, manganna mittui tel lovin engtin nge lawmna nui ri hlutna kan hriat theih ang?Engtin nge thihna awm lohnaah nunna hlutzia kan hriat theih ang a, manganna awm lohna hmunah muanna duhawm kan hriat thiam theih ang?
— William Blake
Kan khawvel leh kan hringnun hi makna leh mawiina nena suih zawm niin, hlauhawm tak leh muanawm tak, mawlmang leh ril tak siin hringnun hi cheibawl a lo ni a, lungngaihna leh hlimnate hian la zâi khatah pawh ṭhen theih hauh lovin min zam chhuak vek a ni.
Rose par mawi berin hling a ken tel tlatna khawvelah kan chêng a, hlauhawmna leh mawina hi thil inkâwlkalh, khawvel awmtirh ata unau piang hmun, lan chhuah dan inang lo, inkawp tlat si an ni a; êngin a chhunna apiangah hlimthla thim a siam ṭhin angin, nung tura duan kan taksa hi thihna tem theia siam a ni si a; kan hlim awrawl chhuahte pawh lungngaih ṭah hla kan sakpui leh ṭhin.
Mahse, heng thil kan hringnuna inep leh indo tlat, inkawp leh inrem thei lova kan ngaihte hi hringnun tifamkimtu, awmze neia siamtu an ni tlat lawi si a; hlimna, lawmna leh mawina chauh pumbilh tumna hringnun chu tangka thir hmai lehlam nei lo ang a lo ni ang.
Philosopher Heraclitus chuan "buaina hi dikna a ni" (strife is justice) tia a lo sawi angin, kan khawvel hi buaina leh thil inkawkalhin a tifamkim a. Lui tui hi chawl lova a luang reng angin kan nun hi buaina, harsatna, hlimna, lawmna te'n hma lam panin min luan tir a ni.
Natna avangin dam hlutna kan hria a, rambuaiin ram ralmuang nih hlutzia min hriattir a, hlimna kawl êng chu harsatna zan thimin a zui fo va, harsatna tel lovin hringnunah chelna zir chhuah theih a ni hek lo. Ni êng duh siin a ken tel lumna a hnawl theih loh a, thihnain nunna a timawi a, inṭhenna avang tak te hian a ni hmangaihna pawh hi kan lak run ni.
Ngunthlûkin kan khawvel hi kan thlir chuan, buainaa khat kan khawvel hi a va mawi si em! Tlang khan ṭhuam, luipui dam diai, romei lo zâm paw chêk mai te; tlai ni tla tur lo êng sen phût ṭhin mawlh mai te hi namnul chi zia zâng a ni lo. Chutah, min hmangaihtute hmangaihna te, ṭhian ṭhate nen hun leh nun âm taka kan chenhona te, naupang nui hmel mai pawh hian hmuh theih loh mawina hi hringnunin a keng tel a ni tih a tifiah zual ṭhin.
Mahse, nun hi pangpar a ni a, chul turin a vul a, vul turin a chul ṭhin. Tlaizawng par mawi tak takte chuan sikpui pelin par an chhuang ngai lova, nui hmel min puttirtu hmangaihna pawh lungchhe vankaia min ṭahtirtu a ni leh fo. Hlim taka zai kan vawrna hi ṭah leh ha ṭhialna hmunah a chang a, kan tlang ram mawi 'chhawrpial rûn' hian furpuiah chuan chhiatna mangkhawng a keng tel a, hlim taka zaia kan awih ram hi, lusun ṭah hla min chhamtirtu a ni ṭhin.
Heng thil insaikhalh leh inkawkalh tak taka lo thleng ṭhin hian hringnun zawhna ril a hring chhuak a, awmze nei lo khawvel min hmuhtir ṭhin. Mahse, buaina karah mihring hian famkimna a zawng fan a, manganna ramah hian mawina kan hmuh hmaih lo va, natna awmze nei lo ber pawh a tuartu hnenah chuan a chhan leh a vàng kan zawnpui hram hram a, chhànna awm lo zawhna zawta zawngin, hlun lohna khawvelah hian chatuan kan suangtuah ṭhin a nih hi.
Chu chuan keimahni piah lamah hian kan zawn thutak famkim leh mawina famkim hi a awm ang tih a lantir a; mahse chu famkimna kan zawn ṭhin chu tun dam chhûng hi chuan heng makna leh takna, hlauhawm leh hlimawm, lawmna leh lungngaihna inkawp remna kaltlang zel chauhvin kan tem thei a, hlimna tlâng sang ber leh beidawnna thûk ber tem kawpna aṭang chauhin, takna famkim leh mawina famkim chu kan hmuin kan chang thei chauh a ni.
Hringnun hi a makin a mawi a, hlauhawmin a ṭihbaiawm a, a lunglènthlak a, a lungngaihthlak bawk. Heng thil inkawkalh mahse inkawp tlat si hian nun a siamin a tifamkim zawk a ni tih hretu chuan famkim lohna khawvelah hian nun famkim leh chatuan mawina puan hmawr chu a dek a ni.
Chuvang chuan, kei chuan an sawi leh an mangphan fo vanram hi ka thlirin ka suangtuah thiam ve ṭhin tlat lo. Engtin nge inṭhenna leh lunglènna tel lovin inngainatna leh hmangaihna hlutna chu kan hriat ang a, manganna mittui tel lovin engtin nge lawmna nui ri hlutna kan hriat theih ang?Engtin nge thihna awm lohnaah nunna hlutzia kan hriat theih ang a, manganna awm lohna hmunah muanna duhawm kan hriat thiam theih ang?
He khawvel kawkalh tak mai hi ka tan chuan ka hriat thiam phâk tawk a ni a, an sawi chatuan hmun chu Siamtu avangin beisei ve mah ila, beisei dan leh suangtuah dan erawh ka thiam ngai lo kumkhua ang; kei leh ka thinlung ang pu mite tan chuan he khawvel hi hrehawmin, lunglenthlakin khawharthlak mah se, a hluin a mawi si a ni.
He hringnun mak, mawl leh mawiah hian thlan leh ruat bik ni hauh si lovin nang leh kei hi kan lo piang a; he hringnun hriat thiamna leh pawm thiamna ril tak nen, zalènna taivawn chunga dam chhûng nî kan chhiar thei a nih ngai chuan, hringmi azawnga vânnei ber kan lo ni ang.
He hringnun mak, mawl leh mawiah hian thlan leh ruat bik ni hauh si lovin nang leh kei hi kan lo piang a; he hringnun hriat thiamna leh pawm thiamna ril tak nen, zalènna taivawn chunga dam chhûng nî kan chhiar thei a nih ngai chuan, hringmi azawnga vânnei ber kan lo ni ang.
Comments
Post a Comment